Somalia: Ciidamada AMISOM oo qabsadey Degmada Janaale
-
- Posted On 05-04-2016, 11:48AM
MUQDISHO, Somalia- Ciidamada ka tirsan hawlgalka Amisom ee jooga Soomaaliya ayaa saakay galay magaalada Janaale ee gobolka Shabeelada Hoose, kadib markii ay Alshabaab ka tageen markii ciidamada ay u soo dhawaadeen magaalada.
Ciidamada Amisom ayaa dhowrkii maalmood ku dhawaanayay Janaale oo ay sanadkii hore isaga baxeen, kadib markii ay weerareen Alshabaab xero ay ku lahaayeen Janaale ciidamada Uganda.
Lama sheegin wax qasaare ah oo ka dhashay qabashada Amisom ee Janaale. Dhinaca kale, ciidamo aan la aqoonsan oo wata dhowr diyaaradood ayaa xalay saqdii dhexe hawlgal gaar ah ka fuliyay deegaanka Beerxaano.
Deegaanka Beerxaano ayaa qiyaastiii konton kilometer u jirta magaalada Kismaayo ee xarunta Jubada Hoose waxaana haysata Alshabaab.
BBC
