Somaliya: Askar lagu dilay qarax bambaano
-
- Posted On 22-05-2016, 02:13PM
JOWHAR- Saraakiil katirsan ciidamada dowladdaSomaliya ayaa xaqiijisay inay dhinteen ugu yaraan 4 askari, saddex kalena dhaawacyo kala duwan soo gaareen, kadib markii mallayshiyaad hubaysan weerar bambaano loo adeegsaday ku qaadeen saldhig ay ku leeyihiin degamada Jowhar ee gobolka Shabeellaha dhexe.
Mallayshida ayaa dhowr bambo gacmeed ku tuuray saldhigaas oo ku yaalla nawaaxiga garoonka diyaaradaha degmada Jowhar oo qiyaastii ilaa 15KM u jira magalada.
Dhaawaca ciidamada, ayaa lagu dabiibayaa xarun caafimaad oo ku taalla magaladaasi, waxaana socda baaritaano kala duwan oo lagu xaqiijinayo cidda weerarka ka dambaysay.
Majirto cid sheegatay mas'uuliyadda falkaasi, waxaase lagu tuhmayaa ururka Shabaab inay ka dambeeyeen.
GAROWEONLINE
