Ugaas Cabdiraxmaan oo ku geeriyooda Baladweyne gobolka Hiiraan
-
- Posted On 03-01-2016, 12:42PM
03 January, 2015(GO)-Allaha u naxariistee waxaa maanta magalada Baladweyne ku geeriyooda Ugaas Cabdiraxmaan Ugaas Khaliif Ugaas Rooble oo kamid ahaa waxgaradka sida weyn looga yaqaanay gobolka isla markaana ku guda jiray xallinta dagaal beeleed ka taagan xarunta gobolka Hiiraan.
Ugaaska ayaa u geeriyooday xanuun ku soo booday xilli uu fadhiyay madal looga hadlayay xal u helista khilaafka beelaha, waxaana loola cararay cusbital ku yalla magalada halkaas oo ugu dambayn ku nafwaayay.
Allaha u raxmadee, marxuumka ayaa kamid ahaa waxgaradka laga qadariyo gobolka islamarkaana ka ahaa xubin fir fircoon duubka, wuxuuna hadda faraha kula hiray qaabkii loo dhammayn lahaa dagaal soo noq noqday oo dad badan ku dhinteen.
Marxuumka ayaa, sidoo kale qayb ka ahaa waxgarad ku hawllan maamul u samaynta labada gobol ee Hiiraan iyo Shabeellaha dhexe, wuxuuna dhawaan degmadaasi ka furay shir looga hadlay aayo katalinta gobolka iyo hormarin lagu sameeyo garoonka xarunta Hiiraan.
Madaxweynaaha Somalia ayaa tacsi kadiray geerida marxuumka, wuxuuna ALLE uga baryay inuu naxariistii janno ka waraabiyo.
GAROWEONLINE
