Xaaf oo laga mamnuucay inuu ku laabto Cadaado [Dhageyso]
-
Wariyaha Gaalkacyo GAROWE ONLINE
- Posted On 18-01-2018, 11:47PM
CADAADO, Soomaaliya - Madaxweynaha Galmudug Axmed Ducaalle Geelle "Xaaf" ayaa laga mamnuucay inuu dib ugu laabto magaalada Cadaado ee gobolka Galgaduud.
Qaasim Maxamuud oo ka mid ah Waxgaradka Cadaado ayaa akhriyay War-Saxaafadeedka, oo qodobada ku jira ay kamid yihiin in Xaaf uusan geli karin magaalada.
War Saxaafadeedka ayaa lagu sheegay in wax dhaqdhaqaaq Siyaasadeed ah aan laga sameyn karin Cadaado iyo deegaanada hoostaga, sidoo kale waxa ay sheegeen in ay iyagu ismaamulayaan inta khilaafka jira iyo tabashadooda laga xalinaayo.
Go'aankan ayaa daba socdaa bannaanbax maanta ka dhacay Cadaado, oo looga soo horjeeday heshiiska uu dhameystirkiisa ka qabsoomay Dhuusamareeb, kaasi oo lagu mideeyay Ahlu Sunna iyo Galmudug. Halkan ka akhri.
GAROWE ONLINE
