Xoghayihii hore NUSOJ oo lagu weeraray Muqdishu [Dhagayso]
-
- Posted On 29-12-2015, 01:40PM
29 December, 2015(GO)-Xoghayihii hore ee ururka Suxifiyiinta Somalia ee NUSOJ Cumar Faaruuq Cusmaan ayaa la sheegayaa in lagu weeray magalada Muqdishu gaar ahaan goob aan ka fogayn guri uu deganaa oo ku yaalla degmada Hodon xilli uu ku sii jeeday gurigiisa.
Faaruuq oo weerarka kadib la hadlay VOA-da ayaa sheegay in koox tira ahaan uu ku qiyaasay saddex ruux isla markaana watay gaari yar soo weerareen iyagoo adeegsanaya hubka fudud, wuxuuna tilmaamay inuu bad qabo laakiin dhaawac soo gaaray mid kamida ilaaladiisa.
Waxuu ku tilmaamay weerarkiisa inuu ku tuhmayo arrimo la xiriira shaqadiisa (Saxafinnimo), balse aysan jirin wax dambi ah oo ka galay shakhsi ama cid gooni ah.
Laamaha amniga ayuu xusay inay wadaan baaritaanno ku aaddan qaabka wax u dhaceen iyo cidda ka dambaysay weerarka xoghayihii hore NUSOJ Cumar Faaruuq Cusmaan.
Falkan ayaa ku soo beegmay xilli maanta hay'adda difaacda saxafiyiinta caalamka ee loo yaqaano CPJ soo saartay tirada wariyaasha sannadkan ladilay, waxaana Somalia gashay kaalinta sagaalaad iyadoo ladilay saddex saxafi oo ay u dambaysay Hindiyo Xaaji oo u shaqaynaysay warbaahinta dowladda Somalia.
GAROWEONLINE
