FBI oo baareysa warbixino laga faafiyey Xildhibaan Ilhaan Cumar

Image

WASHINGTON, US – Hay'ada Sirdoonka Gudaha Mareykanka ee FBI ayaa lagu waramayaa in ay baaritaan ku bilowday warar laga faafiyey Ilhaan Cumar, oo ka tirsan Aqalka Sare ee wadankaas.

Warbixinada laga faafiyey Ihaan ee baarista ay ku bilaabatay ayaa ah in ay guursatay walaalkeed, Axmed Nuur Saciid Cilmi.

Joornaalka Daily Mail ayaa baahiyey in Ilhaan ay talaabadaas u qaadey si ay Cilmi oo haysta dhalashada Ingiriiska ugu suurtageliso in uu galo Mareykanka.

Xafiiska Ilhaan Cumar oo si xoogan kaga falceliyey sheegashooyinkaas ayaa wuxuu ku tilmaamay "kuwa aan sal iyo baar lahayn".

Wargeyska New York Times ayaa daabacay in maxsuulka baaritaanka loo gudbin doono Hay'adda Socdaalka ee loosoo gaabiyo ICE.

Jaraa'idka ayaa wuxuu intaas ku daray in baareyaasha ay la kulmeen shaqsi la sheegay in uu hayo xogta eedeynta Ilhaan.

Caddeymo laga waayey gudaha Soomaaliya halkaasoo Ilhaan ay ku dhalatay ayaa eedeyntaas ka dhigtay "wax aan la caddeyn karin".

Hadii lagu helo fal-dambiyeedkaas, Ilhaan ayaa xabsi ku qaadan karta shan sano iyo ganaax lacageed oo 250-kun oo Doolar ah.

Ilhaan Cumar ayaa haatan ah hooyadda laba caruur ah oo uu dhalay Axmed Xirsi, seygeedii hore kaasoo ay kala tageen 2019-kii kadib markii uu soo kala dhex-galay khilaaf ay xalin kari waayeen.

GAROWE ONLINE

Related Articles

“Aad ayaan uga niyad jabay,” ayuu yiri Trump kadib wada hadal telefoon oo uu la yeeshay Putin

Zelensky ayaa mar kale ku baaqay in la kordhiyo taageerada milatari ee ay siiyaan la-hawlgalayaasha Ukraine.

  • Caalamka

    04-07-2025

  • 11:18AM

Wasiirka Arrimaha Dibadda Iran: Waa ka fekeraynaa Wadahadallada Mareykanka

Araghchi ayaa sheegay in Iran aysan diyaar u ahayn inay si dhakhso ah u bilowdo wadahadallo cusub sida uu Trump.

  • Caalamka

    02-07-2025

  • 12:56PM