Masaajida magaalooyin ku yaala Mareykanka oo loo fasaxay Aadanka
-
WARIYAHA ARRIMAHA CAALAMKA GAROWE ONLINE
- Posted On 12-03-2020, 07:30AM
WASHINGTON, US – Saddex kamid ah magaalooyinka waaweyn ee waddanka Mareykanka ayaa u ogolaadey Masaajida in ay Aadanka Saalada u adeegsadaan codbaahiyeyaasha ama sameecadaha.
Magaalooyinkaas ayaa lagu waramay in ay kala yihiin; Hamtramck, Dearborn iyo Paterson oo ugu dambeysay.
Coddeyn ay Talaadadii u qaadeen Golaha Degaanka Paterson, waxaa ogolaatey 5, halka ay diideen afar xubnood.
Maritza Davila, madaxweynaha golahaas, oo ku jirta xubnaha taageeray qaraarka, ayaa talabaadaas ku qeexday "mid weyn".
Hindise sharciyeedka la ansixiyey ayaa u fasaxayaa Masaajida in ay Aadanka u adeegsan karaan cod-baahiyeyaasha inta u dhaxeysa lixda subaxnimo iyo tobbanka habeenimo.
"Xeerkaas waxaan u taageeray si qof walba uu u helay xorriyad siman," ayay Davila u sheegtay wakaaladda wararka Anadolu.
Sikastaba ha ahaatee, magaaladda Paterson oo ka tirsan ismaamul goboleedka New Jersey waxaan ku nool 146-kun oo ruux, kuwaasoo 30-kun oo kamid ah ay yihiin Muslimiin, sidda ku cad tirakoobka.
GAROWE ONLINE
