WHO oo ku dhawaaqdey in Coronavirus yahay cudur faafaya
-
GAROWE ONLINE
- Posted On 12-03-2020, 05:49AM
WASHINGTON, US - Hay'adda caafimaadka aduunka "WHO" ayaa ku dhawaaqdey in cudurka caronavirus yahay mid faafaya "Pandemic" kadib markii uu ku dhacey dad kor u dhaafaya 118000 kuwaas oo ku kala nool 114 wadan islamarkaana diley 4291 qof.
Waxaan ugu yeeraa maalin walba wadamada iney qaadaan talaabooyin adag oo degdeg ah. Waxaan Gambaleelka u yeerinaa dhawaaq dheer," sidaas waxaa yiri madaxa WHO Tedrod Adhanom maalinimadii Arbacada.
Hogaamiyaasha dalalka ku bahoobey midowga Yurub waxay qaadayaan talaabooyin muhiim ah si ay u xakameeyaan faafida cudurkaan kaas oo markiisii hore ka soo bilowdey dalka China dhamaadkii sanadkii Hore.
Virus-kaan ayaa ku faafay dalka Mareykanka iyo dalal kale oo cusub sida Bolivia, Honduras iyo Turkey, halka Indonesia, Bulgaria iyo Sweden ay sheegeen in dadkii ugu horeeyey u dhinteen cudurkaan.
Dad ka badan 66,000 oo qof ayaa ka bogsoodey cidurkaan aduunka oo dhan, xogtaan ayaa laga soo xigtey jaamacada John Hopkins.
GAROWE ONLINE
