Dad lagu dilay toogasho wadareed ka dhacdey Mareykanka

Toogashada wadareedkan ayaa qeyb ka ah ugu yaraan 337 dil wadareed ka dhacay Mareykanka sanadkan.

WASHINGTON, US - Laba qof ayaa ku dhintay 28 kalena waa ay ku dhaawacmeen toogasho wadareed ka dhacday goob xaflad ka socotay oo ku taal magaalada Baltimore ee dalka Maraykanka, sida ay booliisku sheegeen.

Toogashada ayaa ka dhacday xaafada Brooklyn Homes ee dhanka koonfureed ee magaalada, Richard Worley, oo ah ku simaha Taliyaha Booliska Baltimore, ayaa u sheegay saxafiyiinta.

Ma jirto cid loo soo qabtay toogashada ka dib. Worley ayaa sheegay in boolisku ay ku howlanaayeen sidii ay u ogaan lahaayeen tuhmanaha iyo sababta keentay toogashada.

Toogashada wadareedkan ayaa qeyb ka ah ugu yaraan 337 dil wadareed ka dhacay Mareykanka sanadkan, sida laga soo xigtay GVA oo diiwaan-gelisa fal-dambiyeedyadda hubeysan ee gudaha Ameerika.

GAROWE ONLINE