Intee la egtahay Miisaaniyadda Puntland 2022 oo la ansixiyay?
-
Garowe Online
- Posted On 20-11-2021, 10:27AM
GAROWE, Puntland - Baarlamaanka Puntland ayaa Maanta ansixiyay Miisaaniyadda dowladda ee 2022, taasoo ay usoo gudbisay dhawaan Wasaaradda Maaliyadda.
Kulanka Maanta oo ka dhacay xarunta Baarlamaanka ee Garowe ayaa Xildhibaanno gaaraya 44 u codeysay Miisaaniyadda cusub, iyadoo uu ka aamusay hal Xildhibaan oo kaliya.
Miisaaniyadda dowladda Puntland ee sanadka soo socda ayaa gaareysa $354,093,039 [Saddex boqol iyo Konton iyo Afar milya, sagaashan iyo saddex kun, sodon iyo sagaal dollar].
Xildhibaanada ayaa sidoo lale loo qeybiyay wax-ka beddelka Xeerka Rugta Ganacsiga, waxaana la fasaxay mudda todobaad ah, si ay usoo akhriyaan.
Guddoonka Baarlamanka ayaa sheegay in Fadhiga xiga la isu’gu imaan doono maalinta Sabtida ah ee todobaadka soo socda, oo laga dooni doono Xeerka Rugta Ganacsiga.
GAROWE ONLINE
