Doorashada Aqalka Sare beelaha Waqooyi oo Muqdishu kasocota
-
- Posted On 16-01-2017, 01:10PM
MUQDISHU, Somalia- Doorashada Xildhibaanada Aqalka sare ee ka imaanaya gobollada Waqooyi ayaa si toos ah uga socota caasumadda Somalia iyadoo ay jiraan mudanayaa kusoo baxay kuraasta qaybtood.
Guddiga Doorashooyinka Dadban ee Heer Federaal ayaa sheegay in Maanta oo Isniin ah lagu dooranayo Muqdishu 3 xubnood oo kamid ah Kuraasta gobollada Waqooyi.
Doorashada oo ka dhacaysa xarunta Gaadiidka Booliska Muqdishu, ayaa axaa ku tartamayo 10 musharax, oo intooda badan ay yihiin wajiyo ku cusub siyaasadda dalka Soomaaliya.
Guddiga Doorashada Heer Federaal ayaa la kulmay Shalay Guddoonka cusub ee Golaha Shacabka, waxaana uu uga warbixiyay kuraasta ka dhiman ee labada Aqal ee Barlamanka.
Wadahadallo dheer kadib, waxay Guddoonka cusub ee Barlamanka iyo Guddiga Doorashada isku raaceen in si deg deg ah loo dhamaystiro kuraasta harsan, sidoo kalena la ilaaliyo qoondada Haweenka.
Waxyaabaha sido kale ku heshiiyeen waxaa kamid ah in kuraasta ay Xildhibaanadoodu dhintaan ama ka tago in lagu soo doorto qaabka hadda Xildhibaanada lagu soo xulay oo ah inay u codeeyaan 51 Ergo.
Baarlamaanadii hore, waxaa Xildhibaanada boosaskooda ka geeriyooda soo buuxin jirin shakhsiyaad ay keenaan Odayaasha dhaqanka Beelahooda.
GAROWEONLINE
