Laftagareen oo wada abaabulka wajiga-2aad ee dagaalka ka dhanka ah ‘AS’
-
GAROWE ONLINE XAFIISKA MUQDISHO
- Posted On 19-11-2023, 03:11PM
DIINSOOR, Soomaaliya - Madaxweynaha Dowlad-Goboleedka Koonfur Galbeed Cabdicasiis Xasan Maxamed Laftagareen iyo wafdi uu hoggaaminayo ayaa maanta gaaray magaalada Diinsoor ee Gobolka Baay.
Wafdiga ayaa waxaa ka mid ah Wasiirka Gaashaandhigga Cabdiqaadir Maxamed Nuur, Xubno ka tirsan Golaha Wasiirada KG iyo Mas’uuliyiin kale.
Booqashada madaxweynaha dowlad goboleedka iyo wafdiga la socda ee magaalada ayaa ujeedadeedu tahay sidii loo soo gabagabeyn lahaa shir dib u heshiisiin ah oo dhexmari doona beelaha wada dega magaalada.
Waxaana sidoo kale looga hadli doona sidii ay uga qeyb qaadan lahaayeen dadaalada dalka looga saareyokooxaha argagixisada ah ee ku sugan Koonfur Galbeed.
GAROWE ONLINE
