Maxkamadda Racfaanka oo u fariisatay dacwadda mas’uuliyiin loo haysto Musuq maasuq
-
GAROWE ONLINE XAFIISKA MUQDISHO
- Posted On 19-11-2023, 10:55AM
MUQDISHO, Soomaaliya - Maxkamadda Racfaanka Gobolka Banaadir ayaa maanta markii labaad dhageysatay dacwad racfaan oo ay eedeysanyaasha ka yihiin mas’uuliin ka socda Hay’adda Socdaalka iyo Jinsiyadaha Soomaaliya.
Eedeysanayaasha ayaa lagu soo oogay dacwado la xiriira musuq-maasuq, iyo dambiyo kale, waxaana horay loo horgeeyay Maxkamadda G/Banaadir, balse ay racfaan ka qaateen xeer ilaalinta Qaranka.
Guddoomiyaha Maxkamadda Racfaanka ee Gobolka Banaadir ayaa faray Xeer Ilaalinta in ay keento caddeymaha loo heysto mas’uuliintan ku eedeysan musuq-maasuqa.
Xukuno kala duwan ayaa horay loogu riday eedeysanayaasha, halka xeer ilaalinta qaranka ay racfaan ka qaadatay.
GAROWE ONLINE
