Weerar Bam ah oo lagu qaadey xarunta degmada Kismayo
-
- Posted On 26-08-2014, 06:28PM
Kismayo [GAROWE ONLINE]- Xarunta maamulka degmada Kismaayo ayaa caawa 26 August,2014 weerar Bam gacmeed lagu qaaday, dhisamahaan ayaa kasoo horjeeda saldhiga dhexe ee Booliska magaalada Kismaayo iyo halka lagu magacaabo fagaaraha Beerta xuriyada. Dhismaha xaruntaan cusub ayaa maalintii shaley xariga laga jarey
Ma jirro khasaare ka dhashay qaraxaan lagu soo weerarey xarunta degmada Kismayo
Maamulka degmeda Kismayo ayaan weli ka hadlin qraxaan lala beegsadey xafiisyadooda iyadoo waqtiga lagu tuurayo Bam gacmeedkaan ilaalada ku sugan halkaas rasaas badan faraha ka qaadey. Tirro dad ah oo ka ag dhaw xarunta degmada Kismayo ayaa markii uu qaraxu dhacey ciidamada Booliska xireen.
Axadii la soo dhaafnay ayey aheyd markii weerar sidaan oo kale weerar lagu qaaday Taliyaha ciidamada ammaanka magalada Kismaayo ka soo dhaawac fudud soo gaarey.
Magaalada Kismayo ayaa waxaa ka socda kulan u dhexeeya Wasiiro ka socda dowlada Federaalka, madaxda sare ee maamulka Jubaland iyo xubno ka socda urur goboleedka IGAD.
GAROWEONLINE
