Norway: Soomaaligii ugu horeeyay oo u geeriyooday fayruska Corona
-
WARIYAHA YURUB GAROWE ONLINE
- Posted On 29-03-2020, 07:32AM
OSLO, Norway – Qofkii ugu horeeyay oo Soomaali ah ayaa caasimadda Norway ee Oslo wuxuu ugu geeriyooday fayruska Corona, sidda uu baahiyey Telefishinka ku hadla afka Dowladda Federaalka ah.
Sidda ay muujineyso warbixinta, Axmed Faarax Cali, oo 70-sano jir ahaa, ayaa cudurkaan uu soo ritay saddex maalmood kahor inta uusan dhiman oo ahayd habeenimadii Jimcadda.
Geerida Cali ayaa sare u qaadeysa tirada Soomaalida wadamada caalamka ugu dhimaneysa xanuunkaas.
Sweden iyo Ingiriiska ayaa lagu waramay in ay ku geeriyoodeen tobanaan ruux, wallow aysan caddeyn tiradda.
Soomaali kale ayaa isbitaal u jiifa caabuqa, oo uu ku jiro Nuur Cadde, ra'iisul wasaarihii Dowladdii ku meelgaarka ah. Isbitaal ku yaala caasimada UK ee London ayaa lagu daaweynayaan.
Madaxweyne Farmaajo ayaa Nuur Cadde iyo Soomaalida ee la ildaran xanuunka u rajeeyay soo kabasho, isagoo ku dhintay ALLE uga baryey naxariistiisa iyo in uu ka waraabiyo Janatul Firdowza.
Sikastaba, dalka Norway, kiisaska Covid-19 ayaa waxay kor-u-dhaafayaan saddex kun oo qof, iyadoo dadka u geeriyooday ay iyaguna ka badan tahay 20, marka lagu daro Odaygan Soomaaliyeed.
GAROWE ONLINE
