Coronavirus oo qofkii ugu horeeyay ku dilay dalka Jabuuti
-
WARIYAHA MUQDISHO GAROWE ONLINE
- Posted On 09-04-2020, 06:51PM
DJIBOUTI, Jabuuti – Wasaaradda Caafimaadka Jabuuti oo Khamiista maanta ah war-saxaafadeed soo saartey ayaa ku dhawaaqdey in ay diiwaan-gelisay qofkii ugu horeeyay oo Coronavirus ugu dhintay dalkaas.
Bayaanka oo warbaahinta u hadasha dowladda ay faafisay ayaa waxaa nan lagu bixin fahfaahin buuxda oo ku saabsan bukaanka.
Dhanka kale, warka qoraalka ah ayaa waxaa lagu caddeeyay tiradda kiisaska ay marayeen 140 [boqol iyo afar], oo ay ku jiraan ajaaniib.
Warbixinta maalinlaha ah ee wasaaradda ayaa intaas ku dartay in illaa iyo haatan ay cudurka kasoo kabteen ku dhowaad 30 [soddon] ruux.
In ka badan saddex kun [saddex kun] oo shaqsi ayaa laga baarey, kuwaas oo qeybtooda la filayo in ay maalmaha soo aadan soo baxdo natiijadooda.
Hay'adda Caafimaadka Aduunka ee magaceeda loosoo gaabiyo WHO ayaa shaaca ka dhigtay in kiisaska Corona ee Afrika ay u baahan yihiin hubin dheeraad ah.
Xanuunka Covid-19 oo bishii December ee sanadkii hore 2019 kasoo bilowday magaalada Wuhan ee bartamaha wadanka China ayaa ku dhacay 1.5 milyan oo ruux, iyaddoo uu dilay dad kor-u-dhaafaya 90-kun oo qof.
GAROWE ONLINE
