Nigeria: Gudoomiye gobol oo lambarkiisa WhatsApp laga ka aaday

Qaar kamid ah dadka uu la xiriiro ayaa loo diray dhambaal ka kooban fariimo la yaan leh oo isku mid ah.

ABUJA, Nigeria - Burcad dhanka internet-ka ayaa jabsaday lambarka WhatsApp-ka ee Umo Eno, oo ah guddoomiyaha gobolka Akwa Ibom ee saliidda qaniga ku ah ee Nigeria, waxayna weydiiyeen dadka uu la xiriiro lacag.

Gobolka Akwa Ibom, oo ku yaalla koonfurta Nigeria, waa gobolka saddexaad ee ugu qanisan dalka iyadoo lagu salaynayo wax soo saarka guud ee sanadlaha ah ee gudaha oo dhan $19bn (£15bn).

Badhasaabka oo ah baadari asaasay hay’adda All Nations Christian Ministry International, ayaa la doortay sannadkii hore.

Qaar badan oo ka mid ah xiriirada taleefoonka ee Mr Eno ayaa ka helay fariimo nambarkiisa WhatsApp Talaadadii kaas oo looga codsanayo inay ku xawilaan lacag cayiman akoon oo ay u balan qaadeen inay dib u soo celin doonaan.

Wax ka yar hal bil ka hor, nambarada taleefoonada ee lala xiriiriyay guddoomiye kale ayaa la jebiyey xaalado la mid ah - Ademola Adeleke oo ka tirsan gobolka Osun, adeerkiis xiddiga Afrobeats Davido.

GAROWE ONLINE