Qaramada Midoobay: Dagaalkan Suudaan wuxuu isku bedelay qaab qabiil

Colaadan ayaa dishay in ka badan 2,000 oo qof, sida laga soo xigtay mashruuca xogta goobaha iyo dhacdooyinka hubaysan.

KHARTUUM, Suudaan - Madaafiic, duqeymo cirka ah iyo dagaal toos ah ayaa Sabtidii gilgilay caasimadda Sudan, sidda ay shaaca ka dhigeen goob joogayaal, sidda ay saxaafada tabisay.

Xaaladan ayaa soo kordheysa iyadoo Qaramada Midoobay ay ku boorisay in la joojiyo "dilalka bahalnimada ah" ee sababay in meydad jarjaran lagu arkay gobolka Darfur.

Iyadoo uu dagaalku socday, ayaa haddana waxaa istaagay gurmadkii bini'aadantinimada, ka dib in ka badan laba bilood ay dalkan ku dagaallamayaan jeneraalo iska soo horjeeda.

Qaramada Midoobay ayaa sheegtay in ku dhawaad ​​1.5 milyan oo qof ay ka qaxeen caasimadda tan iyo markii ay rabshaduhu ka qarxeen bartamihii bishii April oo u dhaxeeya ciidamada caadiga ah iyo kuwa gurmadka degdega ah ee RSF.

Dhammaan degmooyinka Khartoum ma haystaan ​​biyo nadiif ah. Sidoo kale, dadka magaalada ku harayna wax koronto ah ma haystaan ​​tan iyo Khamiistii.

Dagaalkan u dhexeeya taliyaha ciidamada Abdel Fattah al Burhan iyo ku xigeenkiisii ​​hore ee RSF, Maxamed Xamdaan Dagalo, ayaa dilay in ka badan 2,000 oo qof, sida laga soo xigtay mashruuca xogta goobaha iyo dhacdooyinka hubaysan.

Rabshadihii ugu dhimashada badan ayaa ka dhacay gobolka Darfur, oo ah gobol weyn kaasoo ku yaalla galbeedka Suudaan waxaana uu xuduud la leeyahay waddanka Chad.

Jamciyadda Qurumaha Ka Dhaxeysa ayaa waxay ka digtay suurtagalnimada dambiyada ka dhanka ah bini’aadantinimada, waxayna sheegtay in colaaddu ay yeelatay “qaab qoomiyad”.

GAROWE ONLINE