Xeelada cusub ee Al-Shabaab u adeegsato qorashada dhalinta Kenya
-
WARIYAHA NAIROBI GAROWE ONLINE
- Posted On 01-03-2020, 02:48PM
NAIROBI, Kenya – Al-Shabaab ayaa naqshadeysay qaab cusub oo ay ku duufsato dhalinyaradda Kenya, sidda ay warisay saxaafadda gudaha.
Quudinta dhalinta-niyad-jabtay ee shaqo la'aanta la degtay, shaqaaleysiintooda iyo maalgelinta tababaro kubadda cagta oo been abuur ah ayaa lagu qeexay xeeladda cusub.
Wargeyska Daily Nation ayaa diiwaan-geliyey kiisas isku mid ah oo la xiriira qaababkaas oo lagu marin-habaabiyey dhalinyarro badan.
Da'yarta ayaa la sheegay in badankooda ay rajeynayeen in ay ku biiraan kooxda si ay uga baxaan dhibaatada faqriga iyo shaqo la'aanta.
Qoorkood oo hadlay iyagoo magacyadooda ka gaabsaday ayaa tilmaamay in la geeyay meel kamid ah Soomaaliya, halkaasina lagu siiyey tababaro kahor inta aysan soo baxsan.
Waalidiinta oo walaac ka muujiyey tiradda sii kordheysa ee caruurtooda ku biireysa kooxdaas ayaa dalbadey in xaaladan lala tacaalo.
Labadii bilood ee lasoo dhaafay ee sanadkan 2020, Al-Shabaab ayaa 16 weerar ka fulisay Kenya, waxayna dishay 20 ruux oo aan waxba galabsan.
GAROWE ONLINE
