Xukun lagu riday rag kufsi wadareed kula kacay gabar ka yar 18-jir ah

Dadka la xukumay ayaa waxaa ka mid ah Clinton Damas, oo ah askari ka tirsan ciidamada difaaca shacabka.

NAIROBI, Kenya - Maxkamad ku taalla magaalada caasimadda ah ee Tanzania ayaa afar nin ku xukuntay xabsi daa’in, kaddib markii lagu helay dambi ah kufsi wadareed ay u geysteen gabar ka yar 18 sano jir, dacwaddaas oo dalkaas ka dhalisay caro.

Dadka la xukumay ayaa waxaa ka mid ah Clinton Damas, oo ah askari ka tirsan ciidamada difaaca shacabka Tanzania iyo Praygod Mushi oo ah sarkaal ka tirsan ciidamada Asluubta. Labada kale ee la xukumay ayaa kala ah Nickson Jackson iyo Amin Lema.

Marka laga soo tago xukunka xabsi daa’inka ah, afarta nin ayaa midkiiba lagu xukumay in uu bixiyo lacag dhan 1m shilin ($370; £275) dhibanaha.

Tuhmanaha shanaad - haweeney sare oo bilays ah oo looga shakisan yahay inay amartay weerarka galmada - ayaa si gaar ah loo maxkamadeynayaa Oktoobar.

Kiisku wuxuu kiciyay mawjado naxdin leh Tansaaniya, oo ah bulsho aad u ilaalisa.

GAROWE ONLINE