Real oo markii 12 qaaday Champion-ka
-
- Posted On 04-06-2017, 08:07AM
Kooxda Kubadda Cagta Real Madrid ee wadanka Spain ayaa ku guuleysatay Koobkeedii 12-aad ee Champions League-ga, iyadoo 4-1 ay kaga badisay kooxda Juventus ciyaarta finalk oo ka dhacday magaalada Cardif ee dalka Wales.
Qeybtii koowaad ee ciyaarta ayaa waxaa lagu kala nastay 1-1, daqiiqadihii 20-aad iyo 27-aad, iyadoona wareegii danbe ay Juve garoonka lasoo gashay dar dar xoogan, waxaana dhowr weerar ku qaaday shabaqa Real, balse uma aysan suura gallin, waxaana laga dhaliyay 3-gool oo horseed u noqday inay koobka qaado kooxda macalin Siidani.
Goolashaan oo ahaa kuwa aad isugu dhawaa kuwaasoo ay kala dhaliyeen Xiddigaha kala ah Marcelona iyo Ronaldo, waxaana Goolka hore ee qeybta labaad dhaliyay Casemiro halka mid kala uu sii raacsaday dhammaadka cayaarta CR7.
Ciyaarta finalka Champion League oo sidii la filayay ama la saadaaliyay si ka duwan u dhacday ayaa waxaa markii 12-aad ay kooxda Real Madrid ku guuleysatay, wuxuuna tababaraha kooxdaasi Zidane uu abuuray taariikh cusub oo ay ku soo fashilmeen tababaryaal ka khibrad badan isla markaana waqti dheer ku soo dhex jiray maamulida kubbada cagta.
GAROWEONLINE
