"Awooda loo jeedo" ee dhaqaajisa qaraxyadda Al-Shabaab

Baaritaan cusub ayaa daaha ka rogay talaabooyinka maleyshiyadda qaado kahor "falalka argagixisada".

MUQDISHO, Soomaaliya – Diiwaan-gelin la’aanta xogta shaqsiga ah waa "awooda muuqata ee dhaqaajisa" weeraradda ay fuliso Al-Shabaab, sidda laga soo xigtey Barnaamijka Galka Baarista ee laanta afka Soomaalida ee idaacadda VOA-da.

Sida laga soo xigtey warbixinta, dagaalameyaasha Al-Shabaab ayaa "magacyo been abuur ah ku qaata dukumiintiyadda dowladda tusaale ahaan Baasaboorka iyo Aqoonsiga ciidamadda" si lamid ah kaararka telefoonada gacanta.

"Talaabadan ayay ku dhaqaaqaan mar walba ay doonayaan in ay fuliyaan weerar," ayuu yiri sarkaal amni oo magaciisa uga gaabsadey in aan loo ogolayn la hadalka saxaafadda.

Shirkadaha isgaarsiinta oo lagu soo xigtey warbixinta ayaa xaqiijiyey in uu jiro walaaca ay ka qabaan hubin la’aanta shaqsiga qaadanaya kaararkooda waxaana ay eeda dusha ka saareen dowladda oo aan mideyn aqoonsiyadda wadanka.

Dowladda oo u muuqata in aysan horey uga gaashaaman qadiyadan ayaa isku-difaacdey in ay haatan waddo mideynta aqoonsiga guud ahaan dalka gaar ahaan diiwaan-gelinta qaranka oo ay ku jirto warqadaha dhalashada iyo geerida.

Kiis tusaale u ah habac-sanaantan

Barnaamijka Galka Baarista oo uu soo saare ka yahay wariye Haaruun Macruuf ayaa soo bandhigay hal kiis kuwaasoo caddeyn u noqon kara gaabka weyn ee ka jira qadiyaddan.

Bishii August, 2021, hay'adaha garsoorka ayaa ku guuleystay in ay aqoonsadaan xukumane Al-Shabaab balse kalka hore tuhun lagu soo xiray. Cabdullaahi Cali Xuseen ayaa xabsi daa'in garka loogu geliyey laba weerar oo ka dhacay Baydhabo.

Weeraradaas is-miidaaminta ahaa oo lagu beegsadey Al-Badar Restaurant iyo Hotel Bilan ayaa galaaftey nolosha in ka badan 20 ruux waxaana ku dhaawacmay tirro intaas ka badan. Xuseen waa mid kamid ah laba galbisay naftood haligeyaasha.

"Dhagar-qabaha kale oo lagu magacaabo Sayid Cali ayaa 23/01/2020 waxaa xukuntey maxkamadda ciidamadda," ayuu yiri Xasan Cali Nuur Shuute, guddoomiyaha maxkamadda. "Xuseen waxaa la xukumay isaga oo maqane ah".

29, March, 2021, laamaha amniga ayaa Muqdisho ku qabtey Cabdullaahi Cali Xuseen oo baaritaan qaatay muddo lix bilood ah lagu ogaadey in uu yahay Cabdullaahi Xuseen Cali wallow illaa haatan uu dafirsan yahay, sidda xogta ay muujineyso.

GAROWE ONLINE