Dabeecadaha cajiibka ah ee gaarka u ah xabsiyadda Ruushka

Maamulka Vladimir Putin ayaa si joogto ah dhaliilo uga yimaadaan hay'addaha xuquuqda aadanaha.

MOSCOW, Russia - Hogaamiyaha mucaaradka Ruushka, Alexey Navalny, ayaa wareysigiisii ​​ugu horreeyay ku dhex-bixiyay xabsiga. Wuxuu isbarbar dhigay jeelasha Shiinaha iyo xabsiyada Russia. Wuxuu sheegay in lagu qasbo inuu daawado siddeed saacadood telefishinka dowladda iyo filimo dacaayado ah maalintii.

Ninkan 45 jirka ah ee mucaaradka Ruushka ayaa The New York Times u waramay Arbacadii. Wuxuu xusay in maalmaha shaqada culus ee guulweynta Soofiyeeti ay dhammaadeen laguna beddelay waxa uu ugu yeeray "rabshadaha nafsiga ah" ee dhaqidda maskaxda iyo dacaayadda.

Navalny oo ah ninka ay uu qaatiga ka taagan yahay madaxwayne Putin ayaa waxaa lagu hayaa xabsi aad loo ilaaliyo oo ku yaal magaalada Pokrov, oo 100km (60 mayl) ka xigta bariga Moscow.

"Waxaad qiyaasi kartaa ragga muruqa waaweyn leh iyo ilkaha birta ah oo wata mindiyo dagaal si ay u qaataan sariirta ugu fiican ee xigta dhinaca daaqadda," ayuu Navalny ku yiri wareysiga.

Wuxuu ku daray: "Waxaad u baahan tahay inaad qiyaastid wax u eg xero shaqo oo Shiine ah, oo qof walba saf ku jiro oo kamaradaha fiidiyaha meel walba la suro. Waxaa jira koontarool joogto ah iyo dhaqan dhugasho".

Wuxuu sheegay in ilaaladu ay la socdeen iyaga oo saacado daawanaya dacaayadaha dawladda, oo aan u oggolaan inay wax akhriyaan ama qoraan oo hurdada ka kiciyaan maxaabiista.

Hase ahaatee, Navalny ayaa wuxuu ku adkaystay mustaqbalka xukunka Vladimir Putin uu dhamaad yahay, isagoo ku adkeystay in maalin uun ay isbedeli geli doonan dadka Ruushka.

"Dhawaan ama waqti dambe, qaladkan waa la hagaajin doonaa, Ruushkuna wuxuu u gudbi doonaa waddo horumarineed oo dimuqraadi ah, oo Yurub ah. Sababtoo ah taasi waa waxa dadku rabaan," ayuu tibaaxay.

Mareykanka iyo dowladaha Yurub ayuu ku dhaleeceeyay in cunaqabateyn xoogan saareen Ruushka, taasoo uu sheegay inay waxyeello u geysato dadka Ruushka halkii ay ka ahaan lahayd kuwa awoodda leh.

Siyaasigan mayalka adag ayaa hoosta ka xariiqay in uusan soo wax weerar ah kala kulmin maxaabiista la xiran taas bedelkeeda wuxuu ka dhawaajiyey in ay "ku baashaalaan cuntooyinka fudud".

Navalny oo horey uga badbaadey isku day sumeyn oo Putin lala xiriiray ayaan juuqda gabin tan iyo markii la xiray bishii Maarso, isagoo warqad uu jeelka kasoo faafiyey ay qabsatay baraha bulshadda kuna sheegayo in xaalada jeelka ay liidato, laakiin wareysiga Times ayaa ahaa kii ugu horreeyay tan iyo markii la xiray.

GAROWE ONLINE