Mareykanka: Lix sano iyo 235 duqeymo gudaha Soomaaliya

Illaa haatan sandman 2022-ka, Ameerikaanka ah ayaa todoba howlgal ka fuliyey qaybo kamid ah dalka.

WASHINGTON, United States - Tan iyo Janaayo 2007-dii, Mareykanka waxa uu gudaha Soomaaliya ka fuliyey ugu yaraan 235 duqeymo cirka ah oo lagu bar-tilmaameedsaday Al-Shabaab iyo Dawladda Islaamka, sida lagu sheegay xog uu ururiyay FDD's Long War Journal. Tiradan ayaa laga yaabaa inay dhab ahaantii ka sarreyso maadaama FDD's Long War Journal's statistics ay ku saleysan tahay warbixinta taliska AFRICOM.

Tan iyo bilowgii sanadkan, Mareykanka waxa uu kordhiyay waqtiga duqeymaha diyaaradaha aan duuliyaha laheyn ee ka dhaca gudaha Soomaaliya, iyadoo todobo hadda la diiwaan geliyay illaa hadda sanadka 2022-ka.

Maamulka Trump ayaa in ka badan 700 oo askari oo Mareykan ah kala baxay Soomaaliya horraantii sanadka 2021, taasoo qeyb ka ah dadaallada lagu soo afjarayo waxa loogu yeero 'dagaallada aan dhammaadka lahayn'. Diyaaradaha aan duuliyaha lahayn ee Drones-ka ayaa beegsada hoggaanka kooxda iyo milatariga.

Madaxweyne Trump ayaa amar ku bixiyay in meesha laga saaro, isagoo ka soo horjeestay soo jeedinta la taliyayaasha ciidamada, kuwaas oo ku dooday in Al Shabaab ay ka faa’ideysan doonaan faaruqnimada jirta, ciidamada Mareykankana ay aad ugu adkaan doonto ugaarsiga madaxda iyo howl-wadeennada muhiimka ah ee Shabaab.

May 16, 2021, iyadoo xaaladda ammaan ee Soomaaliya ay sii xumaaneyso, maamulka Biden wuxuu amar ku bixiyay ku dhawaad ​​500 oo askari oo Mareykan ah inay dib ugu laabtaan Soomaaliya si ay u tababaraan ciidamada Soomaaliya, iyagoo ka caawinaya SNA dagaalka ay kula jiraan Al Shabaab.

Hindisaha ay dhawaan dowladda Soomaaliya ku dooneysay in ay kaga barbar shaqeyso maleeshiyo beeleedyo deegaanka ah, oo ay taageerayaan duqeymaha Mareykanka, ee lagu doonayo in Al-Shabaab looga saaro deegaannada ay mudada dheer kaga sugnaayeen gobolka Hiiraan, ayaa cadaadiyey argagixisada. Si kastaba ha ahaatee, maleyshiyada argagixisadda ah ayaa ugu hanjabay beelaha dil haddii ay sii wadaan taageerida dowladda.

GAROWE ONLINE