Recep Erdogan oo wajahaya tijaabadii tijaabadii ugu weyneyd

14-kii Maajo 1950-kii, Turkiga ayaa waxa uu qabtay doorashadii ugu horreysay ee dimuqraadi ah.

ANKARA, Turkey - Madaxweyne Tayyib Erdogan ayaa ku dhawaaqay in waddanka Turkiga ay doorasho ka dhici doonto 14-ka bishan May, oo ku beegan bil ka hor xilligii horey loo qorsheeyay.

Xafiiska madaxweynaha ayaa Axadii sii daayay muuqaal ku saabsan Erdogan oo ku dhawaaqaya taariikhda xilli uu la kulmayay dhallinta codbixiyayaasha gobolka waqooyi-galbeed ee Bursa goor dambe oo Sabtidii ah.

"Waxaan ILAAHAY uga mahad-celinayaa in aan idin garab socon doono, idinka oo ah dhallinyaradeenii ugu horreysay ee codkooda dhiibanaya, doorashada la qaban doono 14-ka May," ayuu Erdogan yiri.

Hogaamiyahan 68-jirka ah ayaa xukunka hayay 20 sano, waxaana uu wajahayaa tijaabadii ugu adkeyd ee doorashada muddo sanado ah iyadoo uu jiro sicir barar heerkiisu sareeyo.

Erdogan waxa uu soo kormeeray sanado badan oo kobac dhaqaale ah oo dalka ku soo kordhay taasoo keentay in Turkigu ku soo biiro wadamada dhaqaalahoodu dhex dhexaadka yahay.

Sannadihii u dambeeyay siyaasado dhaqaale oo aan caadi ahayn ayaa la arkayay xukuumaddu oo la dagaalantay sicir-bararka xaalufiyay kaydkii dadka iyo in mushaharkii dhabta ahaa hoos u dhaco.

Ra'yi ururin ayaa muujinaya in doorashada ay noqon doonto mid adag, waxaana ay noqon doontaa tijaabadii ugu weyneyd ee Erdogan uu galo labaatankii sano ee u dambeeyay ee awoodda gobolka iyo xubinta Nato.

14-kii Maajo 1950-kii, Turkigu waxa uu qabtay doorashadii ugu horreysay ee dimuqraadi ah taas oo keentay in xisbiga Dimuqraadiga (DP) uu si aqlabiyad ah uga guuleystay xisbiga Jamhuuriga (CHP).

Doorashada Madaxweynaha iyo Baarlamaanka Turkiga ayaa lagu waday in la qabto 18-ka bishan June, balse Erdogan ayaa horay u muujiyay in codeynta lasoo horumarin karo si uu usoo laabto.

GAROWE ONLINE