Safarkii telefoon la'aanta iyo 10-saac tareenkii la saarnaa ee Biden

Tafaasiisha qaabkii uu madaxweynaha Mareykanka ku tagay Kyiv ayaa aakhirkii lasoo bandhigay.

WASHINGTON, USA - in uu ka soo muuqday goob dagaal oo si joogta ah loo weeraray, saraakiisha Aqalka Cad ayaa ku tilmaamay booqashadii lama filaanka ahayd ee Joe Biden ee caasimadda Ukraine ee Kyiv "mid aan horay loo arag waqtiyada casriga ah".

Kasoo dhinac-muuqashadda madaxweynaha Ukraine ee Volodymyr Zelensky isagoo jooga wadnaha Kyiv, waxay ka saameyn badan tahay hadal walba uu Biden ka sheegi karay Poland uu kasoo baxay.

"Waxay ahayd khatar waana in aan shaki ku jirin qof walba in Joe Biden uu yahay hogaamiye si dhab ah u qaata ballanta," ayay tiri agaasimaha warfaafinta ee Aqalka Cad, Kate Bedingfield.

Telefoon la'aan

Laba wariye oo kaliya ayaa loo ogolaaday inay madaxweynaha la safraan. Waxaa lagu dhaariyay in ay sirta qarin doonan, lagana qaatay taleefanadooda gacanta. Looma oggolaan inay ka warbixiyaan booqashada ilaa uu Mr Biden yimid Kyiv.

Ruushka ayaa lagu wargeliyay safarka saacado ka hor inta uusan Mr Biden tegin, sida uu sheegay la taliyaha amniga qaranka Mareykanka, Jake Sullivan.

Waxa uu sheegay in Maraykanku "uu sidaas u sameeyay ujeeddooyin is-khilaafsan...ma geli doono sida ay uga jawaabeen ama nooca saxda ah ee fariinteena, laakiin waxaan xaqiijin karaa in aan bixinay ogeysiiskaas".

10 saacadood oo tareen ah

Madaxweyne Biden ayaa wargelintaas kadib 10 saacadood ku qaatay tareen si uu u tago Kyiv. Waxa uu booqan lahaa meelo kale oo gudaha Ukraine ah oo ay u sahlanaan lahayd in la tago, laakiin waxa uu rabay in uu safar calaamad ah ku tago Kyiv.

In kasta oo safarka madaxweynaha uu calaamad u yahay Moscow sida ay uga go’an tahay maamulka Biden ee ku aaddan caawinta Ukraine, waxay sidoo kale bannaanbax u tahay codbixiyaasha Mareykanka ee ku sugan dalkooda.

Dhanka kale, booqashada lama filaanka ah ayaa ka tagtay saxafiyiin kale oo aad u badan, kuwaas oo u maleeyay inay la safrayaan Mr Biden galinka dambe ee Isniinta, iyagoo safarka Poland ku tagay diyaarad aan loogu yeeri doonin Air Force One lana shaacin magaceeda.

GAROWE ONLINE