Turkiga: Dalka wajahay weerarada argagixisada ugu badan dunida

Todoba sano ayaa kasoo wareegatay kadib markii Ankara ay wajahdey weerarkii ugu dhiig daadinta badnaa ee ay fulisay Daacish.

ANKARA, Turkey - Todobo sano ayaa laga joogaa markii kooxda Daacish ay 100 qof oo rayid ah ku dileen afaafka hore ee Saldhiga tareenka ee Ankara (Ankara Garı) taasoo ka dhigneyd in Turkiga uu gilgilay weerarkii argagixiso ee ugu dhiig daadinta badnaa taariikhda.

Bishii Luulyo 20, 2015, 34 qof ayaa lagu dilay weerar "bam toos ah" oo lagu qaaday koox war-saxaafadeed ka soo saartay beerta dhaqanka ee degmada Suruç ee koonfur-bari ee Şanlıurfa.

Baroor-diiq qaran oo saddex maalmood ah ayaa lagu dhawaaqay dadkii ku dhintay, ururka shaqaalaha iyo golayaasha xirfadleyda ee soo qaban-qaabiyay bannaan-baxa ayaa go’aansaday inay shaqo joojin sameeyaan.

Maxkamadda ayaa sagaal eedeysane ku xukuntay xabsi daa’im culus oo midkiiba lagu helay “burburinta midnimada iyo wadajirka dowladnimada” iyo 100 jeer oo lagu eedeeyay “in ay si bareer ah u dileen 100 qof,” oo isku dar ah midkiiba 101 jeer.

Sidoo kale, maxkamaddu waxay ku xukuntay eedeysanayaashan 10,557 sano oo xarig ah, kaddib markii lagu helay inay isku dayeen inay dilaan 391-qof oo 20 ka mid ah ay ahaayeen caruur, iyadoo qaarkood lagu xukumay xabsiyo iyo ganaaxyo maxkamadeed.

Dalka Turkiga ayaa kaalinta koowaad kaga jira dalalka ay weerarada ugu badan kala kulmaan Daacish. Ururka ayaa Turkiga ka fuliyay weeraro argagixiso oo ka dhan ah gudaha iyo dibadda dalka.

Sannadkii 2013-kii, Turkiga waxa uu ka mid noqday dalalkii ugu horreeyay ee Daacish u aqoonsaday koox argagixiso.

Ankara ayaa tan iyo markaas kadib waxaa soo weerarey kooxda argagixisada ah dhowr jeer, iyadoo in ka badan 300 oo qof lagu dilay, boqolaal kalena lagu dhaawacay ugu yaraan 10 weerar oo ismiidaamin ah, toddoba weerar oo bambaanooyin ah iyo afar weerar oo hubeysan.

GAROWE ONLINE