William Ruto: Digaag iibiyihii u dalacay madaxweynaha Kenya

Waayaha-caruurnimo uu soo maray ayaa tusaale u ah xaalada saboolnimo ee qoysas badan oo Kenyaan ah.

NAIROBI, Kenya - William Ruto – oo lagu dhawaaqay in uu ku guuleystay doorashadii madaxtinimada ee sida weyn loogu muransanaa ee Kenya – ayaa soo maray caruurnimadiisa nolol adag oo ka turjumaysa xaalada Kenya.

Dugsiga hoose waxa uu galay isagoo cago cadaan ah, wuxuuna kabihiisii ​​ugu horreeyay xirtey isagoo 15 jir ah. Sidoo kale wuxuu iibin jiray digaagga iyo lawska hareeraha waddooyinka ee miyiga gobolka Rift Valley.

Tani ayaa xaqiijineysa in aysan layaab ahayn in uu ku ololeeyay ciwaanka uu isugu sheegay in uu yahay horyaalka masaakiinta doorashaddii qabsoontey 9-ka bishii lasoo dhaafay ee August.

Maxkamadda Sarre ee Kenya ayaa maanta ayiday guusha Ruto kadib markii ay sheegtey in ay waday caddeyn ay ku laasho natiijadda doorashadda kadib cabasho ay gudbiyeen mucaaradka oo ahaa in la musuqmaasuqay.

Mr Ruto ayaa sidoo kale waxaa hal-ku-dhiga ololihiisu uu ahaa Kenya Kwanza oo ah eray sawaaxili ah balse marka lagu turjumayo English noqonaya Kenya First ama in ay wax walba uga horeynayaan danta Kenya.

Madaxwayme "boombale ah"

Ka dib markii uu soo qabtay xilal kala duwan oo wasiiro ah sida waxbarashada iyo beeraha, waxa uu noqday madaxweyne ku xigeenka doorashadii 2013 ka dib.

Mr Ruto ayaa doorashadaas waxay hal dhinac safka kaga jireen madaxweyne Uhuru Kenyatta oo xilka ka degaya - balse haatan labada nin way iska soo horjeedaan sababo badan aawadeed.

Mid kamid ah arrimaha ugu waaweyn ayaa la aaminsan yahay in ay tahay gal-dacwadeedkii maxkamadda ICC taasoo ku saabsanaa doorashaddii dhiiga badan uu ku qaatay ee qabsoontey 2007-dii.

Saaxiibadii hore ayaa si weyn u kala irdhoobay markii ay soo dhawaatay doorashadda 2022 ka gadaal markii Uhuru uu go'aansadey in uu dhiso Raila Odinga oo guuldaradii shanaad kala hoyday baratanka.

Intii uu ololaha socdey, Ruto ayaa mar weerar afka ah wuxuu ku qaadey Uhuru oo uu ku eedeeyay in uu u dhisayo Odinga sababo ku aadan "in uu ka dhigto madaxwayne boombale ah".

Daacad u noqoshada qowmiyadiisa

Daacad u noqoshadda qowmiyadaada ayaa door weyn ku leh siyaasadda Kenya, waxaana Mr Ruto uu ka soo jeedaa qawmiyadda saddexaad ee ugu weyn ee lagu magacaabo Kalenjin.

Qowmiyadda ayaa taariikhda heshay kaliya hal madaxweyne kaasoo ah Mr Moi oo noqdey hogaamiyihii ugu xilka dheeraa Kenya. Hadda waa, shaki la’aan, Ruto waa madaxa siyaasadda ee beesha.

Mr Ruto oo ah beeraley iyo ganacsade dhanka dhulalka waxa uu qabaa Rachael, oo uu markii ugu horeysay kula kulmay shirarka dhalinyarada kaniisadaha. Waxay wada dhaleen lix carruur ah.

Wiilkooda curadka ah, Nick, ayaa mar ay u duceeyeen odayaasha Kalenjin, taas oo sii kicisay xanta ah in loo diyaarinayo door siyaasadeed, halka gabadhooda, June, ay ka shaqeyso wasaaradda arrimaha dibadda.

Mr Ruto ayaa aad u xiiseeya beeraha, taasoo keentay inuu ku dhiirado in uu ka ganacsado ama in uu si weyn u beerto khudradda kala ah galleyda, caanaha iyo digaaga.

Hal-ku-dhiga "Qaran halgamaya"

Heerka rasmiga ah ee shaqo la'aanta dadka da'doodu u dhaxayso 18 iyo 34 sano ee Kenya waxay ku dhowdahay 40% taasoo xaalad hubanti la'aan ah gelineysa in ka badan 800,000 oo dhalinyaro Kenyan ah.

Intii uu ololaha ku jiray, Ruto ayaa balanqaadey in uu shaqo abuur u sameyn doono da'yartan wuxuuna hindisey halheys kale oo ah "Qaran Halgamaya" taasoo uu ula ujeeday in qof kasta uu gacantiisa maalan doono.

Mr Ruto ayaa sidoo kale wuxuu wacad ku maray siyaasad hoos loogu dhigayo dhaqaalaha taasoo uu aaminsan yahay in cidda ugu badan ee ka faa'iideysa ay tahay kuwa saboolka ah.

Kenya ayaa kamid ah dowladaha uu saameynta badan ku yeeshay duulaanka uu Ruushka ku qaadey Ukraine ee kiciyey qiimaha sareenka iyo safmareenka Coronavirus.

55-sano jirkan ayaa waxay guushan u tahay mid qaas ah maadaama ay ahayd isku-daygii ugu horeeyay uu u sameeyay si uu u noqdo madaxweynaha 5aad ee Kenya iyadda oo ay ku xeeran yihiin loolan siyaasadeed oo aad u culus.

GAROWE ONLINE