19 Carruur Ethiopian ah oo lasoo daayay
-
- Posted On 10-05-2016, 10:18PM
Waxaa xorriyadooda dib loo siiyay 19 kamid ah in kabada boqol carruur laga afduubtay gobolka Gambella ee dhaca xadka dalalka Ethiopia iyo Suudaanta Koonfureed.
Dhallaankan, ayaa la qafaashay bishii hore, waxaana kaxaystay rag hubaysan oo kasoo jeeda qowmiyadda Marle oo dalka South Sudan.
Kahor intaysan afduubka gaysan waxay dileen in kabadan boqol qof.
Ciidamo Ethiopian ah ayaa galay dalkaasi, iyagoo ku raad jooga kooxii dhibka gaystay, balse waxaa lagu qanciyay inaysan dagallamin.
Xukuumadda Jubba, ayaa wadahadal kula jirtay cuqaasha deegaanadaas si loo soo daayo caruurta.
Sagaal iyo toban ka mid ah caruurtii ayaa dib loogu celiyay dalkoodii Itoobiya.
Dadaalo ayaana la sameeyay si kuwo kale loo soo daayo.
Jawaabta ay ilaa iyo hadda ka bixisay South Sudan ayaa u muuqata in ay baajisay muran soo kala dhex gala dalka ay dariska yihiin ee Itoobiya oo awood badan.
Arrintan ayaa dadka u dhuun daloola xaaladda labadaasi dal, waxay ku warrameen inay jiraan khilaaf soo jireen ah oo u dhaxeeya qowmiyadda Ethiopia iyo South Sudan.
GAROWEONLINE
