34 qof tahriibayaal ku dhintay Niger
-
- Posted On 16-06-2016, 01:33PM
Dowladda waddanka Niger, ayaa sheegtay in la helay maydka 34 qof ku dhintay meel saxare ah kadib markii ay ka dhuunteen mukhalasiintii waday, waxaana dadka dhintay ugu badan carruur Oon iyo Harraad u geeriyooday.
Wasiirka Arrimaha Gudaha Niger, ayaa xaqiijiyay geerida tahriibayaashaasi oo 20 kamid ah carruur yihiin.
Dalka Niger, ayaa kamid ah meelaha ay sii maraan muhaajiriinta doonaya inay galaan waddamada Yurub, waxaana taasi keentay inay kor usii kacdo tirada dadka ku dhintay dalkaasi.
Dowladda Niger, aya mamnuucday tahriibayaasha ka tallaab waddankeeda, waxaana xabsi mutaysta qof kasta oo lagu helo mukhalasnimo ama tahriib fududeyn.
Maalin kasta waxaa kor usii kacda dadka ku le'enaya jidka loo maro Yurub, hadana ma yaraadaan safarrada dhalinyarada Afrikaanka ah ee qaaraddaasi u socdaala.
GAROWEONLINE
