Afganistaan oo lagu diley hogamiyihii ugu sareeyey IS
-
- Posted On 26-07-2016, 04:29PM
War kasoo baxay ciidamada Afgaanistaan ayaa sheegaya in la dilay hogaamiyihii ugu sareeyey kooxda isku magacowday Khilaafada Islaamiga ah ee Daacish.
Ninkan la diley ayaa lagu magacaabi jirey Saad Imarat, wuxuuna ahaan jirey taliye ciidan oo ka mid ahaa Taalibaan.
Wararka kale ee kasoo baxayaa dalkaas ayaa caddeeyay in lala diley hogaamiyahaas ku dhawaad 120 qof oo ka tirsanaa ISIS.
Waxaa xogtu intaas ku daraysaan in goobo muhiim u ahaa Daacish sida; xarumo caafimaad, maxkamado iyo saldhigyo ciidan lagala wareegay.
Howlgalka oo wali socda islamarkaana ka bilowday degmada Kot, ayaa lagusoo waramayaa in bartilmaameedku ahaa madaxda ugu sarraysa ururkaasi.
Howgalkan ay sameeyeen ciidamada Afganistaana ayaa ahaa mid aad u ballaaran kaasoo la xaqiijiyay inuu dhabar jab xoogan ku yahay kooxaha kasoo horjeeda dowladda fadhigeedu yahay Kabul.
GAROWEONLINE
