Bangladesh: 20 ku dhimatay weerar makhaayad lagu qaaday
-
- Posted On 02-07-2016, 01:18PM
Milateriga Bangladesh ayaa sheegay in labaatan qof ay ku dhinteen weerarkii xalay ka dhacay maqaayad ku taalla caasimadda Dhaka.
Milateriga ayaa intaa raaciyay in 6 ka mid ah kooxdii weerarka geysatay isla goobta lagu dilay.
Mid ka mid ah kooxdii weerarka fulisay ayaa noolal lagu qabtay.
Weerarkan waxaa mas'uuliyaddiisa sheegatay ururka isku magacaabay dowladda Islaamiga ah ee ISIS.
Ra'iisul wasaaraha dalkaasi, Sheikh Hasina, ayaa wacad ku martay in ay dalkeeda ka tirtireyso argagixisada.
Dableyda ayaa maqaayada gashay habeennimadii Jimcaha, waxaana ay halkaasi dad ku haysteen saacado badan.
GAROWEONLINE
