BARMA: Hogaamiyaasha rayidka ah oo la dhaariyay
-
- Posted On 30-03-2016, 11:14PM
Waxaa maanta muddo dhan 50 sano kadib dalkaasi ka dhacday xaflad taariikhi ah oo xilka loogu dhaarinayay madaxweynaha Rayidka ah ee dhawaan la doortay, waxaana dalkaasi u furmay taariikh cusub sida laga soo xiganayo wakaaladaha wararka iyo siyaasiyiinta dalkaasi Myanmar.
Hogaamiyaha 70-sano jirka ah Htin Kyaw iyo labadiisa ku-xigeen Myint Swe iyo Henry Van Tio si rasmi ah loogu dhaariyay xilalkooda, waxayna sheegeen inay u shaqayn doonaan qaab daacadnimo ah islamarkaana dalka ka saari doonaan xukunkii adkaa ee soo bilowday 1962-dii.
Htin, oo khudbad dhinacyo badan taabanaysa jeediyay, ayaa tilmaamay inuu wax kabadali doono dastuurka dalkaasi oo kuraasta ugu badan siinaya ciidamada iyo wasaaradaha muhiimka ah sida; Gaashaandhigga iyo Arrimaha Gudaha.
Dadka rayidka ee dalkaasi Barma, ayaa soo dhaweeyay guulaha laga gaaray millateriga dalkaasi, waxayna sheegeen inay la shaqayn doonaan xukuumadooda cusub.
15-kii bishan March, ayay ahayd markii mas'uuliyiinta xilka loo dhariyay guulo muhiim ah gaareen iyagoo markaasi ku tartamaya xisbiga Dimuqraadiga dalkaas.
GAROWEONLINE
