Ciraaq: Qarax khasaaro gaystay oo ka dhacay Baqdaad
-
- Posted On 24-07-2016, 02:04PM
BAQDAAD- Booliiska magaalada Baqdaad ee dalka Ciraaq ayaa xaqiijiyay dhimashada in kabada siddeed ruux iyo dhaawaca 20 kale oo ay ku jiraan xubno katirsan Boliiska magaaladaasi xilli uu weerar fuliyay nin isku soo xiray walxaha qarxa.
Weerarka ayaa ka dhacay degmada Kadhimiyah oo ah goob ay ku badanyihiin shiicada, waxaana lala beegsaday bar kantarool oo ay ku sugnaayeen ciidamo Booliis ah sida ay xaqiijiyeen laamaha ammaanka.
Dadka dhaawacmay ayaa haatan lagu dabiibayaa Kadhimiya hospital, waxaana la sheegay in xaaladda dadka qaybtiis aad u liidato.
Majirto cid sheegatay mas'uuliyadda qaraxaasi ka dhacay Koonfur Galbeed magaalada Baqdaad.
Baqdaad ayaa xarun u noqotay weeraro iyo qaraxyo ay fulinayaan kooxda isku magacowada khilaafada Islaamiga ah, waxaana weeraro dhacay 03 July ku dhintay in kabadan 300 oo ruux kaasoo noqday midkii ugu xumaa tan iyo 2003 markaasoo dalka Ciraaq galeen ciidamada Maraykanka.
Qaramada Midoobay ayaa caddeysay in sannadkan gudahiisa dalka Ciraaq lagu dilay in kabadan 3,000 shacab ah.
GAROWEONLINE
