Dad ku dhintay Dhul-gariir ka dhacay New Zealand
-
- Posted On 14-11-2016, 01:25PM
Dhul-gariir xoog badan ayaa lagusoo waramayaa inuu ka dhacay waddanka New Zealand, kaasoo gaystay khasaaro naf iyo maalba leh.
Saraakiisha caafimaadka ayaa xaqiijiyay dhimashada labo ruux iyo dhaawac intaas kabadan iyadoo hadda uu socdo gumar ku aadan sidii loo samata bixin lahaa dad ku go'doonsan dhismayaal bur-buray.
Cabirka Dhulgariirka ayaa lagu qiyaasay 7.8, waxaana uu saameeyay Magaalooyin waaweyn ee dalkaa iyadoo xooggiisu ka dhacay nawaaxiga magaalada Christchurch halkaas dadkaas dhintay ay ku sugnaayeen.
Dadka ku nool xeebaha bari ee wadankaasi ayaa xalay saqdii dhexe loogu baaqay inay ka fogaadaan xeebta, maadaama laga cabsi qabay Tsunami ka dhalatay dhulgariirka.
Ra’iisul Wasaaraha New Zealand John Key, ayaa shacabka ugu baaqay inay ka feejignaadaan inay galaan goobaha ama guryaha uu burburka soo gaaray.
Waddankaas ayaa la sheegay inuu ku jiro xaalad deg deg ah.
GAROWEONLINE
