Dadaalada lagu raadinayo xabadjoojinta Gaza oo la dardargeliyay

Qaar kamid ah wasiirada dalalka Islaamka ayaa yeeshay wadahadal dhanka telefoonka ah.

DOOXA, Qadar - Wasiirka arrimaha dibadda Boqortooyadda Sucuudi Carabiya Amiir Faysal Bin Farhan ayaa Axaddii wadahadal khadka taleefanka ah kula yeeshay dhiggiisa Turkiga, Masar, Jordan, Baxrayn iyo Gambia, iyagoo ka wada hadlay joojinta rabshadaha Gaza iyo taageerada xuquuqda Falastiin.

Bin Farhan ayaa kala hadlay wasiirka arrimaha dibadda Turkiga Hakan Fidan xaaladihii ugu dambeeyay ee arrinta Falastiin, isagoo diiradda saaray dadaallada dalalka Islaamka ay ku doonayaan inay ku soo celiyaan xuquuqda sharciga ah ee Falastiin iyo dadkeeda iyo sidii kor loogu qaadi lahaa isuduwidda joojinta rabshadaha iyo xadgudubyada Israel.

Wadahadalladii uu la yeeshay wasiirka arrimaha dibadda Masar, Badar Abdelatty, waxaa diiradda lagu saaray xaaladda hadda ka jirta dhulka Falastiiniyiinta iyo baahida loo qabo in tallaabo degdeg ah laga qaado xadgudubyada muhiimka ah ee Israa’iil, iyadoo sidoo kale la taageerayo dhismaha dowlad sugan oo xasilloon oo Falastiin ah.

Wadahadallada uu la yeeshay wasiirka arrimaha dibadda ee Urdun Ayman Safadi ayaa ku qotoma baahida degdegga ah ee xabbad-joojinta iyo taageeridda dhammaan dadaallada Carabta iyo Islaamka si loo gaaro xal caddaalad ah oo dhammaystiran oo dadka Falastiiniyiinta ah, oo ay ku jirto abuurista dowlad madax-bannaan.

GAROWE ONLINE