Erdogan oo si kulul uga hadlay weerarada ka dhacay Lubnaan

Ku dhowaad 10 qof ayaa ku dhintay falkan halka ay ku dhaawacmeen tiro ka badan labo kun ruux.

ANKARA, Turkey - Madaxweynaha Turkiga Recep Tayyip Erdogan ayaa muujiyay sida uu uga xun yahay qaraxyadii bahalnimada ahaa ee ka dhacay Lubnaan mar uu khadka taleefoonka kula xiriiray Ra’iisul Wasaaraha Lubnaan Najib Mikati.

Erdogan waxa kale oo uu Mikati u sheegay in isku dayga Israel ay ku doonayso in ay ku kordhiso dagaalka ay ku hayso Qaza oo ay gaadhsiiso gobolka ballaadhan uu yahay mid khatar ah, dadaalka lagu joojinayo Israa’iilna uu sii socon doono, ayay hay’addu sheegtay.

Hezbollah waxa ay sheegtay in ay sii wadi doonto "hawlaha ay ku taageerto Gaza, dadkeeda, iyo iska caabinteeda" ka dib markii qaraxyo isku mar ah oo ay isticmaaleen bogaga ay xubnahooda adeegsadeen ay ku dileen dhowr qof ayna ku dhaawacmeen kumanaan qof oo ka kala dhacay Lubnaan iyo Suuriya.

Kooxda Lubnaan ayaa wacad ku martay inay ka aargudan doonto maadaama ay Israa’iil “si buuxda uga mas’uul tahay” weerarrada sababay in ugu yaraan 200 oo qof ay ku jiraan xaalad halis ah. Israa'iil way diiday inay ka hadasho qaraxyada.

GAROWE ONLINE