Gaaskii ugu badnaa oo la helay
-
- Posted On 30-08-2015, 11:21PM
31 Augusto, 2015(GO)-Baaritaan shidaal oo laga sameeyay dalka Masar ayaa markii ugu horeysay waxa lagu helay mid ka mid ah Gaaskii ugu badnaa adduunka ee dabiici ah.
Shirkad Talyaani ah oo qaabilsan dhanka shidaalka ee Eni ayaa sheegatay inay ka heshay gaaska 1,450m dhulka hoostiisa, ahna meel balaarkeedu yahay 100 sq km, waxaana ku jiri kara qiyaastii 5.5 bilyan oo barmiil shidaal u dhigma.
Shirkadan ayaa la saxiixatay wasaarada batroolka ee Masar heshiis qiimahiisu yahay $2 bilyan kaasi oo u ogolaanaya inay shidaal ka baaraan Sinai, Gacanka Suez, Nile Delta iyo Mediterraniyanka.
Eni ayaa sheegtay in saldhiga Zohr inuu noqon karo kan ugu wayn ee gaas dabiici ah laga helay, wuxuuna Masar ka caawin karaa gaaska ay ubaahan tahay tobanaan sanadood.
GAROWEONLINE+WAKAALADAHA
