Israel: Natanyahu oo beeniyey inuu ka badbaadey isku day dil
-
- Posted On 07-07-2016, 08:12PM
KENYA- Ra'isal wasaaraha dalka Israel ayaa xafiiskiisa ku tilmaamey hadal aan waxba ka jirin warar ay qortey jariidad kasoo baxda dalka Kuwait ' Kuwait daily' oo sheegtey in la baajiyey weerar lagu Dili lahaa Benjamin Netanyahu.
Mar la waydiiyey warkaan, Netanyahu ayaa sheegey inuusan waxba ka ogeyn isku_deygaan, halka warar kale sheegayaan inuu si Caro leh u yiri waa waxba kama jiraan.
Wargeyska Kuwaiti, ayaa sheegey in qof xogogaal ah oo ka tirsan xukuumada Nairobi xusey in dowlada Kenya amartey in Dariiqii uu mari lahaa waftiga Netanyahu la badalo maalintii Talaadada. Qarax ayaa laga heley wadadii hore ee rasmiga aheyd, labo qof oo la tuhunsan yahay_na waa la xirey ayaa xogtaan sheegetey.
Natanyahu ayaa ku guda jira booqashooyin uu ku kala bixinayo wadamo ka tirsan Bariga Africa isagoo istaagiisa labaad yahay wadanka Kenya.
Ra'isal wasaaraha ayaa booqashadan ku maraya dalalka Uganda, Ruwanda, Kenya iyo Ethiopia kuwasoo diirada lagu saarayo sidii looga horatgi lahaa argagixisada ku soo xoogeysaneysa wadamadaan.
Wadanka Israel ayaa la sheegey in wadamadaan uu siinaya aduun gaaraya 13 Malyun oo dollar.
GAROWEONLINE + WAKALAADAHA
