Johnson: Putin kuma duuleen Ukraine haddii uu haween ahaan lahaa

Ra'iisul Wasaaraha Ingiriiska ayaa hadalkan sheegay kahor shir madaxeedka NATO ee Madrid.

MADRID, Spain - Madaxweynaha Ruushka Vladimir Putin ma uusan soo duuleen dalka ay deriska yihiin ee Ukraine haddii uu haweeney ahaan lahaa, sidda uu ku andacoodey ra'iisul wasaaraha Ingiriiska, Boris Johnson.

Wasiirka koowaad ee UK ayaa sheegay in duulaankan "mandarada ah" uu yahay "tusaalaha saxda ah ee ragganimada sunta ah" wuxuuna ku baaqay "in haweenka loo dhiibo xilal badan".

Hadalka Mr Johnson ayaa kusoo beegmay ka hor kulanka gaashaanbuurta NATO oo xulafadiisa ah ay kaga wada hadli doonaan sidii looga jawaabi lahaa khataraha mustaqbalka.

Shir madaxeedka ka dhacaya magaala madaxda Spain ee Madrid ayaa lagu wadaa inuu ugu yeero xubnaha kale ee isbahaysiga difaaca si loo kordhiyo kharashka difaaca.

Kharashaadka difaaca ee UK ayaa la saadaalinayaa inuu gaaro 2.3% GDP sanadkan taas oo ka dhalatay maalgashiga warshadaha difaaca iyo £ 1.3bn ee taageerada militariga ee Ukraine, sidda ay balanqaadey London.

Dhowr waddan oo kale oo ka tirsan isbaheysiga ayaan gaarin 2% bartilmaameedkii sanadlaha ahaa ee NATO. Turkiga iyo Mareykanka ayaa lagu tiriyaa deeq-bixiyeyaasha ugu badan.

Talaadadii, Xoghayaha Difaaca boqortooyadda Ingiriiska, Ben Wallace, ayaa cod dheer kaga codsadey Mr Johnson inuu sii kordhiyo kharashka ku baxa ciidamada difaaca Britain iyadoo la eegayo khatarta ka imaanaysa Ruushka.

GAROWE ONLINE