Kumanaan ka baracay dagaalo ka socdo waqooyiga Ciraaq

Ismaamul goboleedka Kurdistan ayaa sameeyay guddi wax ka qabta xaaladda.

BAQDAAD, Ciraaq – Kumanaan kun oo qof ayaa ka qaxay magaalo ku taal waqooyiga Ciraaq iyadoo ay socdaan iska horimaadyo ba’an oo u dhaxeeya ciidamada iyo maleeshiyaad xiriir la leh koox gooni u goosad ah oo Kurdiyiinta ah, sida ay sheegeen militariga iyo saraakiisha Kurdiyiinta Ciraaq ee maxalliga ah.

Ugu yaraan 3,000 oo qof ayaa ka qaxay Sinjar iyo nawaaxigeeda Isniintii waxayna u jiheysteen woqooyiga dhanka gobolka ismaamulka Kurdida si ay ammaan u raadsadaan.

Iska hor imaadka ayaa markii ugu horeysay qarxay galinkii dambe ee Axadii markii militariga Ciraaq uu bilaabay howlgal lagu sifaynayo ciidamada YBS oo ah koox maleeshiyaad xiriir la leh Xisbiga Shaqaalaha Kurdistan ee Turkiga (PKK) oo u badan xubno ka tirsan Diimaha laga tirada badan yahay ee Yazidi.

Dagaalka u dhaxeeya ciidamada Ciraaq iyo kuwa YBS ayaa sii xoogeystay isniintii, waxaana uu ku fiday deegaano kale oo hoostaga degmada Sinjar.

Milateriga Ciraaq ayaa sheegay in weerarku uu ahaa in la burburiyo isbaarooyinka YBS ee u diiday muwaadiniinta in ay ku laabtaan guryahoodii, isla markaana wiiqay mas’uuliyiinta dowladda Ciraaq.

Askartu waxay isku dayeen in ay furaan waddooyinka, laakiin waxay la kulmeen "rasaas culus", millatariga ayaa bayaan ku sheegay, iyagoo tixraacaya joogitaanka "kooxaha guryaha dushooda" iyo miinooyinka ay wada galiyeen.

Sherwan al-Douberdani, oo ah ku xigeenka gobolka, ayaa wakaalada wararka ee AFP u sheegay in hal askari oo ciraaqi ah uu dhintay, halka sarkaal sare oo ka tirsan ciidamada Ciraaq uu sheegay in laba askari oo kale ay dhaawacmeen.

Iska horimaadka ayaa sidoo kale lagu dilay tobaneeyo ka tirsan ciidamada Yazidi sida uu sheegay sarkaal ka tirsan ciidamada xoogga dalka oo diiday in magaciisa la shaaciyo.

Inta badan dadkii ku barakacay dagaalka ayaa hadda la dajiyay xeryo ku yaalla gobolka Kurdiyiinta, sida uu sheegay Pir Dayan, oo ah agaasimaha waaxda socdaalka iyo ka jawaabista dhibaatooyinka ee gobolka Dohuk, ee gobolka ay maamulaan Kurdiyiinta.

Ismaamul goboleedka Kurdistan ayaa sameeyay guddi wax ka qabta xaaladda.

Nadia Murad, oo ku guulaysatay abaalmarinta nabadda ee Nobel Peace Prize, oo Yazidi ah oo ay bilo adoonsanayeen dagaalyahannada kooxda dawladda Islaamka, kuwaas oo xasuuqay bulshadeeda sannadkii 2014-kii, ayaa Isniintii ku baaqday in la joojiyo rabshadaha.

Hawlgalka Qaramada Midoobay ee Ciraaq ayaa bartiisa twitterka ku soo qoray inay cambaareynayaan rabshadihii ugu dambeeyay, iyagoo sheegay inay "aad uga walaacsan yihiin isku dhacyada Sinjar", oo cawaaqib xun ku yeeshay dadka rayidka ah.

YBS ayaa gacanta ku haysay inta badan Sinjar tan iyo sanadkii 2014-kii, markaasoo ay kooxda ISIL (ISIS) ka saareen degmadaas oo gacan ka helayay PKK.

Joogitaanka PKK ee aaggaas ayaa soo jiidatay caradaTurkiga, oo la dagaallamayay kooxda tan iyo 1980-meeyadii, waxayna keentay in Turkiga uu weeraro joogto ah ku qaado dhulka Ciraaq si uu xididdada ugu siibo.

Bishii Oktoobar 2020, Baghdad iyo xukuumadda Kurdistan waxay saxiixeen heshiis si wadajir ah loo maamulayo Sinjar si loo soo celiyo awoodda dawladda ee ku-meel-gaarka ah ee kooxaha maleeshiyada iyo mas'uuliyiinta ku tartamaysa aagga ka dib markii laga adkaaday ISIL. Laakiin tani waxay cadaysay in aan lagu guulaysan.

GAROWE ONLINE