Madaxweynaha Mareykanka oo mar kale laga helay cudurka COVID-19
-
WARIYAHA CAALAMKA GAROWE ONLINE
- Posted On 18-07-2024, 05:14AM
WASHINGTON, United States - Madaxweynaha Mareykanka, Joe Biden, ayaa mar kale waxaa laga helay cudurka 'Covid-19' wuxuuna la ildaran yahay astaamo fudud, sidda uu sheegay Aqalka Cad.
Karine Jean-Pierre, oo ah xoghayntiisa warfaafinta, ayaa sheegtay in madaxweynaha Mareykanka la tallaalay. Laba jeer oo hore ayaa Biden looga helay safmareenka Covid.
Mr Biden, oo 81 jir ah, ayaa la arkay goor sii horeysay oo Arbaco ah isagoo taageerayaashiisa ku booqanaya Las Vegas oo ka hadlayay munaasabad. Waxa uu baajiyay khudbad uu ololaha doorashada habeen dambe jeedin lahaa.
Xanuunka ayaa ku soo beegmaya iyadoo uu Joe Biden la kulmayo cadaadis isa soo taraya si uu dhinac uga dhaqaaqo tartanka madaxtinimada Mareykanka da'diisa awgeed.
Warbaahinta Mareykanka ayaa ku warameysa in labada Hoggaamiye Aqlabiyadda Senete-ka Chuck Schumer iyo Hogamiyaha Aqlabiyadda Aqalka Hoose Hakeem Jefferies ay si gaar ah ula kulmeen Mr Biden.
Labadan hogaamiye siyaasadeed oo kawada tirsan xisbiga talada haya ee Dimuqraadiga ayaa walaac xooggan ka muujiyey in musharaxnimadiisa ay si xun u saameyn karto tartamada kale ee Aqalka iyo Senete-ka.
GAROWE ONLINE
