Mareykanka oo hogaaminaya tirada geerida caalamka ee Coronavirus

WASHINGTON, US – Mareykanka ayaa hogaanka u qabtay tiradda dhimashadda fayruska safmareenka ah ee Corona, guud ahaan caalamka.

Sidda ay shaacisay Jaamacadda Johns Hopkins, tiradda dhimashadda waxay mareysaa 20,071, iyaddoo la diiwaan-geliyey 519,400 kiisas.

Talyaaniga ayaa ku jira kaalinta labaad. Tiradda geerida dalkaas waxay mareysaa 19,468, iyaddoo kiisaska ay ku dhow yihiin 500-kun.

Sidoo kale, dalka Mareykanka wuxuu noqdey waddankii ugu horeeyay ee maalin qura ay cudurkaas ugu dhinteen laba kun oo ruux.

Iskoorkaas waxaa horey u haystay Shiinaha, oo ah xudunta caabuqa. Bishii December ee sanadkii hore ayuu ka dilaacay magaalada Wuhan.

Ismaamul goboleedka New York ayaa ah gobolka ugu badan ee caabuqa uu ku dilay dadka ugu tirada badan, guud ahaan waddankaas.

Kaliya maalintii Jimcaha waxaa lasoo wariyey 783. Taas macnaheedu waxay tahay in wadarta guud ee dhimashadda ay tahay 8,600.

Guud ahaan dunida, xanuunkaas wuxuu haleelay in ka badan 1.5 milyan oo qof; sidoo kale, waxaa u geeriyooday dad ka badan 100-kun oo ruux.

GAROWE ONLINE