Niger oo safiirka Faransiiska u qabatay muddo 48 saacadood ah inuu dalka kaga baxo

Image
SAWIR HORE

NIAMEY, Niger - Golaha militariga ee Niger ayaa u qabtay safiirka Faransiiska 48 saacadood si oo uga baxo Magaalada caasimadda ah ee Niamey, taasoo kor u qaadaysa xiisadda u dhaxeysa madaxdii afgambiga iyo Faransiiska..

Wasaaradda Arrimaha Dibadda ee xukuumadda Niger ayaa ku xaqiijisay bayaan ay soo saartay in sababta ka dambeyso cayrintaan ay tahay diidmada safiirka Faransiiska inuu ka jawaabo martiqaad ay u fidiyeen si ay ula kulmaan.

Mas'uuliyiinta ayaa go'aansaday inay ka laabtaan ansixinta aqoonsiga Danjire Sylvain, iyaga oo ka codsaday inuu uga baxo Niger 48 saacadood gudahood.

Maalmo ka dib afgambigii ka dhanka ahaa madaxweynihii la doortay ee Maxamed Bazoum, madaxda afgambiga waxay uga digeen Faransiiska faragelinta arrimaha gudaha ee Niger.

Faransiisku wuxuu ku hanjabay inuu si degdeg ah uga jawaabi doono weerar kasta oo lagu bartilmaameedsanayo muwaadiniintiisa iyo danaha Niger, ka dib markii kumannaan qof ay bannaanbax ka dhigeen afaafka hore ee safaaradda Faransiiska ee Niamey oo ay ku taageerayaan milateriga afgambiga sameeyay.

Madaxtooyada Faransiiska ayaa warqad ay soo saartay ku sheegtay: “qof kasta oo weerara muwaadiniinta, ciidamada, dublamaasiyiinta iyo xarumaha Faransiiska uu arki doono jawaab degdeg ah.”

Waxayna intaas raacisay: “Madaxweynaha Jamhuuriyadda uma dulqaadan doono weerar kasta oo lagu qaado Faransiiska iyo danihiisa.”

GAROWE ONLINE

Related Articles

India waxay soo weerari rabtaa Pakistan - Wasiir

Dowladda Pakistan ayaa sheegtay inay si dhow ula socoto dhaq-dhaqaaqyada ciidamada Hindiya ee ku sugan xadka Kashmir.

  • Caalamka

    28-04-2025

  • 02:29PM

Kuuriyadda Waqooyi oo xaqiijisay inay Ciidamo u dirtay Ukraine

Go'aanka ah in ciidamo la soo diro ayaa lagu saleeyay heshiis difaac oo ka dhaxeeya Kuuriyada Waqooyiga iyo Ruushka, sida ay sheegtay KCNA.

  • Caalamka

    28-04-2025

  • 12:44PM