Nin isagoo Xabsi ku jira ku guuleystay tartan Qur'aan akhris

Image

ABU DHABI - Maxbuus ku xiran xabsi ku yaalla dalka Imaaraadka ayaa ku guuleystay tartan Qur'aan akhris, iyadoo ka qeybgalayaasha qaar ay ahaayeen maxaabiis dhawaan Diinta Islaamka soo galay [Muslimay].

Taliska booliska Abu Dhabi ayaa baraha bulshada soo dhigay Sawirka maxbuus oo la gudoonsiinaya shahaado uu ku muteystay tartanka, oo ay soo qaban-qaabisay agaasinka ciqaabta iyo hab-dhaqanka Booliska UAE.

Tartanka ayaa ahaa mid heer qaran ah, oo noqonaya kiisa 19-aad oo la qabtay. Dadka kaalimaha hore ku guuleystay ayaa la siiyay lacago iyo shahaado sharaf.

Mid kamid ah Maxaabiista ku guuleystay tartanka Qur'aan akhriska ayaa la sheegay inuu dhawaan soo galay Diinta Muslim-ka, isagoo galay kaalinta 8aad.

Booliska wali ma aysan shaacin magaca guuleystaha.

Dowladda Imaaraadka ayaa tartanno dheera-gelin ah u sameysa maxaabiista ku jira xabsiyadeeda, oo la baro farsamooyin, xirfado shaqo iyo cilmiga kale, oo uu kamid yahay Qur'aanka kariimka.

GAROWE ONLINE

Related Articles

Trump oo 100-200 oo Go'aano Culus ah Laga Filayo Maalinta ugu horeysa uu Xafiiska la wareego

Waxaa la filayaa in tallaabooyinkan ay ka abuuri doonaan dood ballaaran oo siyaasadeed iyo mid bulsho.

  • Caalamka

    20-01-2025

  • 07:28AM

Falastiiniyiinta oo farxad ku jira iyo Isra’il oo sii daysay 90 Maxbuus

Is weydaarashada maxaabiista ayaa qeyb ka ah wajiga koowaad ee heshiiska xabbad-joojinta ee dhex maray Isra’il iyo Xamaas

  • Caalamka

    20-01-2025

  • 05:41AM