​Obama oo ka hadlay arrimo ku saabsan Trump

Madaxweyne Barack Obama ayaa sheegay inuu ka hadli doono haddii Donald Trump uu sameeyay waxyaaba liddi ku ah qiyamka bulshada Maraykanka marka uu xilka ku wareejiyo.

Mar uu hadal jeediyay kadib shirkii dhaqaalaha ee Asia-Pacific ee ka dhacayay dalka Peru, Mr Obama wuxuu sheegay in Trump uu siin doono fursad ah in uu kala shaqeeyo horumarinta siyaasadiisa.

Obama ayaa intaasi ku daray in ay qasab ku noqon doonto inuu hadlo hadii uu Madaxweynaha cusubi uu qaado tallabo khalkhal gelin karta xorriyadda asaasiga ah ee ka jirta Mareykanka.

Obama ayaa sheegay in uu aaminsanyahay in culeyska iyo masuuliyadda uu leeyahay Xafiisku ay ku qasbi doonaan madaxweynaha cusub in uu wax ka bedalo siyaasadiisa.

Trump ayaa xiligii ololihiisa sheegay in uu meesha ka saari doono heshiisyo badan oo u kamid yahay Heshiiska ganacsi ee ka dhexeeya dalalka ku yaalla badweynta Pacfic-ka, Balse Obama ayaa balan qaaday in uu ka hortagi doono arintaasi.

BBC