Ra'iisul wasaare dib u bilaabay shaqo uu joojiyey Coronavirus awgii

LONDON, UK – Ra'iisul wasaaraha Jamhuuriyada Ireland ayaa dib ugu laabtay shaqada dhakhtarnimada si uu u caawiyo howlwadeenada ku howlan xakameynta Coronavirus, sidda ay ku warantay warbaahinta dowlada.

Sidda ay ku warantay wakaaladda wararka RTE, Leo Varadkar ayaa wuxuu gelin [shirt] ka shaqeyn doonaa todobaad walba.

Varadkar ayaa dhakhtar ahaa todoba sano kahor inta uusan siyaasada kusoo biirin. Sanadkii 2013-kii ayuu hakiyey xirfadaas.

RTE ayaa baahisay in Varadkar uu isagu iska diiwaan-geliyey Waaxda Caafimaadka bishii lasoo dhaafay ee Maaj, si uu u xoojiyey ololaha socda.

Doorkiisa shaqo ayaa noqon doonta in uu ka jawaabo isla markaana uu kormeero wicitaanada telefoonada ee ka imaanaya shaqaalaha.

Kiisaska Covid-19 ee Ireland, sidda ku cad warbixinta caafimaad, ayaa kor-u-dhaafaya 400, iyaddoo dhimashadda ay ka badan tahay 20.

Caalamka oo idil, cudurkaas safmareenka ah ayaa ku dhacay in ka badan 1.4 milyan oo ruux, waxaana u geeriyooday dad tiradoodu ka badan tahay 65-kun oo ruux, waxaad sareysa cabsida laga qabo in ay sii kororto.

GAROWE ONLINE