UN oo cambaareysay hadallada Donald Trump
-
- Posted On 16-04-2016, 12:05PM
Madaxa arrimaha xuquuqda aadanaha ee Qaramada Midoobeey ayaa waxa uu weerar afka ah ku qaaday musharraxa ugu cadcad xisbigaJamhuuriga ee Donald Trump.
Waxa uu sheegay in mushraxan doonaya inuu noqdo madaxweynaha Mareykanka uu gaysanayo xadgudub.
Asigoo aanan magacaabin ninkan taajirka ah, Seyd Racad Al Xuseyn waxa uu Trump ku eedeeyay sida uu u taageersan yahay jirdilka.
Waxa uu sidoo kale ku dhaliilay sida uu u taageersan yahay in Muslimiinta si gaar ah loo dabagalo.
Hadal uu ka jeediyay magaalada Cleveland, halkaas oo dadka ku nool ay bisha Juley dooran doonaan Musharroxooda, Amiir Zeyd waxa uu tilmaamay in eexda iyo munaafaqnimada aysan cadeyn u ahayn hogaan wanaagsan.
Waxa uu sidoo kale tilmaamay in hadallada naceybka aysan ahayd wax lagu majaajileysto ama madadaalo ah.
Waa qofkii ugu dambeeyay oo xil caalami ah haya ee cambaareeya loolanka xisbiga Jamhuuriga.
BBC
