Xaaska ra'iisul wasaaraha Canada oo laga helay Coronavirus

TORONTO, Canada – Xaaska ra'iisul wasaaraha waddanka Canada ayaa waxaa lagu waramay in laga helay caabuqa saf-marka ah ee Coronavirus.

Justin Trudeau oo war-saxaafadeed kooban soo saarey ayaa sheegay in Sophie Gregoire ay dareemeyso caafimaad daro.

Marwadiisa ayuu hoosta ka xariiqey in ay baaqi kusii ahaan doonto karan-tiilka illaa ay kasoo buksan doonto xanuunkaas.

Lama fahfaahin qaabka ay ku qaadey cudurka, wallow ay jiraan sheegashooyin badan oo saxaafadda maxaliga ay warineyso.

Mid kamid ah hadalheynta aadka u xoogan waxay tahay in loo maleynayo in ay kasoo qaadey xaflad meher oo ay kaga qeybgashay UK.

Arrintaan ayaa imaaneysa xili Trudeau uu ku dhawaaqay in uu karan-tiil galay isla markaana uu iska hubinayo in uu qabo cudurkaas.

Canada ayaa xaqiijisay 140 kiis oo cudurkaas ah. Geerida illaa iyo haatan la hubo waa kalkaaliso waayeel ahayd taasoo deganeyd British Columbia.

GAROWE ONLINE