Xukunkii lagu riday dilkii 1965-tii ee Malcolm X oo la baabi'inayo

Xeer-ilaaliye sare oo Mareykan ah ayaa shaaca ka dhigay in xukumaneyaasha aysan helin cadaalad.

WASHINGTON, USA - Xeer-ilaaliye sare oo Mareykan ah ayaa sheegay in labada nin ee lagu helay dilka 1965-tii lagula kacay hoggaamiyihii xuquuqda madaniga ah Mareykanka Malcolm X lagala noqonayo xukunka.

"Muhammad Aziz iyo Khalil Islam ma aysan helin cadaaladii ay mudnaayeen," ayuu yiri xeer ilaaliyaha guud ee degmada Manhattan oo ka tirsan gobolka New York.

Dacwad-oogaha Cyrus Vance Jr ayaa wargeyska New York Times u sheegay in FBI-da iyo booliska ay qariyeen cadeymo ay u badan tahay in ay keeni karto in dambi lagu soo oogo.

Malcolm X oo sidoo kale soo noqdey wasiir iyo afhayeenka golaha Muslimiinta ayaa lagu toogtay goob loo tamashlo tago kuna taala New York isaga oo ay la joogaan xubno ka tirsan qoyskiisa.

Aziz iyo Islam - oo uu weheliyo nin saddexaad, Thomas Hagan - ayaa lagu helay dilka Malcolm X waxaana waqtigaas garka loo geliyey xukun xabsi daa'in ah.

Saddexda nin - oo ahaa xubno ka tirsanaa dhaqdhaqaaqa siyaasadda iyo diinta ee Nation of Islam - ayaa dhamaantood xabsiga laga sii daayay. Islaamku wuxuu dhintay 2009-kii.

Sanadkii 2020-kii, xeer Ilaaliyaha Degmada Manhattan ayaa bilaabay dib u eegis lagu sameeyo xukunnada ka dib markii uu la kulmay wakiilada Mashruuca Innocence.

Mashruuca Innocence waa koox sharci oo aan faa'iido doon ahayn oo u ololaysa caddaaladda shakhsiyaadka ay sheegtay in si khaldan loo xukumay ama loo maxkamadeeyay.

Malcolm X wuxuu ku caan baxay u doodida xuquuqda dadka madowga ah. Sannado ka dib markii uu ahaa afhayeenka caanka ah ee Nation of Islam - wuxuu ololeynayay gooni-u-goosadka dadka madow ee Maraykanka.

Mid kamid ah waxyaabaha caanka ah ee lagu dacweeyay waxaa kamid ah in uu dhisay Masaajid. Kal dambe aragtidiisa waxay noqotay mid ku saabsan dhexdhexaadnimo. Waxaa la wariyey in uu ahaa 39 jir markii la khaarijiyey.

GAROWE ONLINE